Raqamli ulanish shunchaki infratuzilma emas, balki yangi imkoniyatlarga eltuvchi muhim yo‘ldir.
O‘zbekiston Respublikasining Vashington shtatidagi Bosh konsulxonasi vakillari Michael Feldman va Laura Chirot taklifiga binoan Sietldagi Amazon Spheres majmuasiga tashrif buyurdilar.
Uchrashuv davomida O‘zbekistonning jadal rivojlanayotgan raqamli iqtisodiyoti va Amazon kompaniyasining global innovatsion imkoniyatlari o‘rtasida mustahkam aloqalarni yo‘lga qo‘yish hamda istiqbolli hamkorlik yo‘nalishlarini rivojlantirish masalalari muhokama qilindi.
Aholini ilg‘or, ishonchli va hamyonbop raqamli aloqa bilan ta’minlash iqtisodiyot va jamiyat rivojiga keng ko‘lamli ijobiy ta’sir ko‘rsatishi ta’kidlandi. Xususan, bunday infratuzilma:
-
- ta’lim resurslaridan foydalanish imkoniyatlarini kengaytirishi;
- tadbirkorlar va startaplarni qo‘llab-quvvatlashi;
- raqamli davlat va xususiy xizmatlarni jadallashtirishi;
- hududlarda yangi iqtisodiy imkoniyatlar yaratishi;
- innovatsiyalar va raqamli inklyuzivlikni rivojlantirishi mumkin.
Tomonlar bildirilgan taklif va g‘oyalarni O‘zbekiston hamda Amazon o‘rtasidagi aniq, mazmunli va o‘zaro manfaatli hamkorlik tashabbuslariga aylantirish yuzasidan muloqotni davom ettirishga tayyor ekanliklarini bildirdilar.
Bosh konsulxona samimiy qabul va istiqbolga yo‘naltirilgan mazmunli suhbat uchun Michael Feldman hamda Laura Chirotga minnatdorlik bildirdi.
