O‘zbekiston Respublikasining Vashington shtatidagi Bosh konsulxonasida B.E.L.L.E. tashkiloti hammuassisi Lenka Huang bilan uchrashuv bo‘lib o‘tdi.
Muloqot davomida innovatsiyalar, tadbirkorlik hamda O‘zbekiston va AQShning Tinch okeani shimoli-g‘arbiy hududi o‘rtasida o‘zaro manfaatli hamkorlikni rivojlantirish imkoniyatlari yuzasidan atroflicha fikr almashildi.
Uchrashuvda O‘zbekistonda amalga oshirilayotgan iqtisodiy islohotlar, ishbilarmonlik muhitini yaxshilash, xususiy sektorni qo‘llab-quvvatlash va innovatsion tadbirkorlikni rivojlantirishga qaratilgan chora-tadbirlar haqida ma’lumot berildi.
Mamlakatning jadal rivojlanayotgan startap va texnologiya ekotizimi, yosh tadbirkorlar uchun yaratilayotgan imkoniyatlar hamda xalqaro investorlar va biznes vakillari uchun ochilayotgan yangi istiqbollar alohida qayd etildi.
Tomonlar O‘zbekiston va Tinch okeani shimoli-g‘arbiy hududining tadbirkorlik hamjamiyatlari o‘rtasida aloqalarni kengaytirish, tajriba almashish hamda innovatsion tashabbuslarni qo‘llab-quvvatlash imkoniyatlarini muhokama qildilar.
Uchrashuv yakunida istiqbolli hamkorlik yo‘nalishlarini o‘rganish va o‘zaro muloqotni davom ettirishga qiziqish bildirildi.
